வாழ்க பாக்கிய காலை

1. "வாழ்க பாக்கிய காலை!" என்றும் கூறுவார்; இன்று சத்துரு நாசம்! இன்றே மீட்பின் நாள்; மாண்டோர் ஜீவன் பெற்றீர், நித்திய தெய்வமாம் உம்மை சிருஷ்டி யாவும் தாழ்ந்து சேவிக்கும். "வாழ்க பாக்கிய காலை!" என்றும் கூறுவார்; இன்று சத்துரு நாசம்! இன்றே மீட்பின் நாள்! 2. துளிர் காலம் பூண்டு பூமி மகிழ்ந்தே மீளும் ராயர் பின்செல் நற்பேறெனவே; பசும் புல் வயல் பூவும் துளிர் இலையும் துக்கம் அற்றார், வெற்றி கொண்டார் என்குதே! "வாழ்க பாக்கிய காலை!" என்றும் கூறுவார்; இன்று சத்துரு நாசம்! இன்றே மீட்பின் நாள்! 3. மாதங்கள் தொடர்பும், நாட்கள் நீடிப்பும், ஓடும் நிமிஷமும் உம்மை வாழ்த்துதே; காலை ஒளியும், விண், வயல் கடலும் இருள் வென்ற வேந்தே, உம்மைப் போற்றுதே. "வாழ்க பாக்கிய காலை!" என்றும் கூறுவார்; இன்று சத்துரு நாசம்! இன்றே மீட்பின் நாள்! 4. நீர் எம் மீட்பர், கர்த்தர், ஜீவன் சுகமாம் நீர் பிதாவின் திவ்விய ஏக சுதனாம்; நரர் சுபாவம் போக்க கிருபை பூண்டீர். மாந்தர் மீட்படைய மானிடன் ஆனீர். "வாழ்க பாக்கிய காலை!" என்றும் கூறுவார்; இன்று சத்துரு நாசம்! இன்றே மீட்பின் நாள்! 5. ஜீவ காரணர் நீர் சாவுக்குட்பட்டீர், மீட்பின் பலம் காட்ட பாதாளம் சென்றீர்; "இன்று மூன்றாம் நாளில் எழுந்திருப்பேன்" என்று சொன்ன வாக்கை நின்று காருமேன். "வாழ்க பாக்கிய காலை!" என்றும் கூறுவார்; இன்று சத்துரு நாசம்! இன்றே மீட்பின் நாள்! 6. பேயால் கட்டுண்டோரின் சிறை நீக்குமே, வீழ்ந்தோர் யார்க்கும் புனர் ஜீவன் தாருமே; மாந்தர் யார்க்கும் ஜோதி முகம் காட்டுமே, உமதொளி தந்து எம்மைக் காருமே. "வாழ்க பாக்கிய காலை!" என்றும் கூறுவார்; இன்று சத்துரு நாசம்! இன்றே மீட்பின் நாள்!