வேறு ஜென்மம் வேணும்
வேறு ஜென்மம் வேணும், – மனம்
மாறுதலாகிய உள்ளத் தூய்மை என்னும்.
வேறு ஜென்மம் வேணும்.
1. கூறு பரிசுத்தர் மாறிலா தேவனின் (2)
தேறுதலான விண்பேறு பெற இங்கே;
வேறு ஜென்மம் வேணும்.
2. பாவசுபாவமும் ஜீவியமும் மாறத் (2)
தேவனின் சாயலை மேவுவதாகிய; – வேறு
வேறு ஜென்மம் வேணும்.
3. மானிடரின் அபிமானத்தினாலல்ல, (2)
வானவரின் அருள் தானமாக வரும்; – வேறு
வேறு ஜென்மம் வேணும்.
4. ஒன்றான ரட்சகர் வென்றியதை நம்பி, (2)
மன்றாடுவோருக்கு ஒன்றுவதாகிய; – வேறு
வேறு ஜென்மம் வேணும்.
5. மைந்தர் கெடாமல் உகந்து ஈடேறவே, (2)
சொந்த மகன்தனைத் தந்த பிதா அருள்; – வேறு
வேறு ஜென்மம் வேணும்.
6. மண்ணினில் பத்தராய் நண்ணி நடக்கவும், (2)
விண்ணினில் தூயராய்த் தண்ணளி கொள்ளவும்; – வேறு
வேறு ஜென்மம் வேணும், – மனம்
மாறுதலாகிய உள்ளத் தூய்மை என்னும்.
வேறு ஜென்மம் வேணும்.
