அன்பே பிரதானம் சகோதர
அன்பே பிரதானம்
பண்புறு ஞானம் பரம நம்பிக்கை
இன்ப விஸ்வாசம் இவைகளிலெல்லாம்
பல பல பாஷை படித்தறிந்தாலும்
கலகல வெனும் கைம்மணியாமே
என் பொருள் யாவும் ஈந்தளித்தாலும்
அன்பிலையானால் அதிற்பயனில்லை
துணிவுடனுடலைச் சுடக் கொடுத்தாலும்
பணிய அன்பில்லால் பயனதிலில்லை
சாந்தமும் தயவும் சகல நற்குணமும்
போந்த சத்தியமும் பொறுமையுமுள்ள
புகழிறு மாப்பு பொழிவு பொறாமை
பகை அநியாயப் பாவமுஞ் செய்யா
சினமடையாது தீங்குமுன்னாது
தினமழியாது தீமை செய்யாது
சகலமும் தாங்கும் சகலமும் நம்பும்
மிகைபட வென்றும் மேன்மை பெற்றோங்கும்