இயேசு என் வாழ்வினில் இன்பம்
இகமதில் அவரைப் புகழுவேன் (2)
1. பாவங்கள் போக்கிடும் நாமம்
பரிசுத்தம் நிறைந்த நல் நாமம்
அகமதிலே அருள் தனையே
அளிக்கும் அன்பு தேவன் – இயேசு
2. கண்ணீர் துடைத்திடும் கரங்கள்
காயம் ஏற்ற நல் கரங்கள்
கருணை மிகும் கரங்களையே
நீட்டி அழைக்கும் தேவன் – இயேசு
3. நன்மை செய்திடுங் கால்கள்
நல்லோரைத் தேடிடுங் கண்கள்
அளவில்லாத ஆசீர்களையே
அளிக்கும் நல்ல தேவன் – இயேசு
4. இயேசு காட்டும் பாதை
இடறில்லா அன்பின் வழியே
ஜீவ வழி என்றவரே
ஜீவன் தந்த தேவன் – இயேசு
5. சிலுவையில் தொங்கும் மீட்பர்
சிறந்த வாழ்வின் பங்கு
சுதந்திரமே நல்கிடுவார்
சுகமாய் தங்கி வாழ்வேன் – இயேசு