இயேசு கிறிஸ்துவின் நாமமிதே
இனிமையாமே இன்பமதுவே
ஏழைக்கும் ஆறுதலே
1. நாமம் அதிசயமே தேவதாசரின் புகலிடமே
நானிலந்தனிலே யாவரும் வணங்கிடவே
நாதன் இயேசுவின் நாமமதையே
நன்றியுடன் புகழ்வோம் – இயேசு
2. அளிப்பேன் யாவுமே
என் நாமத்தில் என்றனரே
அழித்த வலியவனை வல்லமையுண்டதிலே
களிப்போம் வல்ல நாமத்திலே
கனிந்தே பாடிடுவோம் – இயேசு
3. நோய்கள் நீக்கிடவும்
நவ பாஷைகள் பேசிடவும்
சர்ப்பங்களை எடுக்க சக்தி ஈந்துதவும்
உத்தமர்கள் போற்றிப் புகழும்
கர்த்தரின் நாமமதே – இயேசு
4. சாவுக்கேதுவான கொடும்
நஞ்சைப் பருகிடினும்
சேதப்படுத்தாதே காக்க வல்லதுவே
நாதன் ஈந்த தைலமெனவே
நமக்காய் ஊற்றுண்டதே – இயேசு
5. பாவ இருள்தனை போக்கும்
புண்ணிய நாமமதாய்
பாரில் இறங்கினாரே தேவனின் அன்பதுவே
இயேசு கிறிஸ்துவே நேசரிவரே
ஆசைக்குகந்தவரே – இயேசு